Türkiyədə gərginlik: YENİDƏN AKSİYALAR

Türkiyədə ictimai asayiş yenidən pozulub. 

Rüşvət və korrupsiya əməliyatına etiraz edən bir qrup İstanbulda, Taksim meydanında aksiya keçirməyə cəhd edib. Əvvəlcə qrup İstiqlal prospektində toplaşıb. Daha sonra isə Taksim meydanına doğru yürüş etmək istəyib. Lakin polis səsgücləndiri ilə ilk öncə anons edərək aksiyanın qanunsuz olduğunu deyib və onların dağılışmasını istəyib. Xəbərdarlığa baxmayaraq insanlar hadisə yerindən uzaqlaşmayıblar. 

Daha sonra meydana təzyiqli su maşınları olan TOMA-lar gətirilib və aksiyaçılara müdaxilə edilib. Bəzi aksiya iştirakçıları TOMA maşınlarını daş atəşinə tutublar, fişəng atıblar. 

Onlar "Hər yer rüşvət, hər yer korrupsiya", "Üsyan yox,azadlıq", "Oğru var" kimi şüarlar səsləndiriblər. 

Etirazçılam meydandakı mərmər daşlarla barikkadalar qurmağa cəhd edirlər.

ANS Press