Avqustda kripto layihələrindən 163 milyon dollar oğurlanıb – PeckShield

Avqust ayında kriptovalyuta layihələrinə edilən 16 hücum nəticəsində 163 milyon dollar dəyərində vəsait oğurlanıb, bu barədə RBC PeckShield-ə istinadən məlumat yayıb. İyulda zərər 142 milyon dollar olub ki, bu da 15% azdır.

Ən böyük beş insident ümumi itkilərin 99%-ni (161 milyon dollar) təşkil edib. Ən çox zərərə, 91 milyon dollar (783 BTC) itirən və fırıldaqçıya pul kisəsi girişini təqdim edən naməlum Bitcoin sahibi məruz qalıb.

İkinci ən böyük insident Türkiyənin BTCTurk birjasında qeydə alınıb – avqustda 50 milyon dollar oğurlanıb, ümumi zərər 100 milyon dollara çatıb.

İtkilərin qalan hissəsi OdinFun (7 milyon dollar), BetterBank.io (5 milyon dollar) və CrediX Finance (4,5 milyon dollar) arasında bölünüb.

TRM Labs bildirir ki, 2025-ci ilin ilk yarısında 75-dən çox hücum nəticəsində 2,1 milyard dollar itki qeydə alınıb – bu göstərici artıq 2024-cü ilin ümumi səviyyəsinə yaxınlaşır.

Gülnar