Si, Putin və Kim ABŞ-a qarşı sui-qəsd qururlar -Tramp

ABŞ prezidenti Donald Tramp Pekində İkinci Dünya müharibəsində qələbənin 80 illiyi münasibətilə keçirilən hərbi paradı şərh edərək bildirib ki, Çin sədri Si Cinpin, Rusiya prezidenti Vladimir Putin və Şimali Koreya lideri Kim Çen In “ABŞ-a qarşı sui-qəsd qururlar”.

Tramp Truth sosial şəbəkəsində paylaşdığı mesajda Sini, Putini və Kimi bayram münasibətilə təbrik edib, lakin bunu istehzalı şəkildə “ABŞ-a qarşı qurulan plan” fonunda yazıb. O həmçinin ABŞ-ın Çinə göstərdiyi yardım və amerikalıların İkinci Dünya müharibəsində verdiyi qurbanların xatırlanacağına ümid etdiyini bildirib.

Ötən gün verdiyi radio müsahibəsində Tramp Şanxay Əməkdaşlıq Təşkilatı sammiti fonunda Çin və Rusiyanın ABŞ-a qarşı “ox” formalaşdırması ehtimalından narahat olmadığını vurğulayıb.

N.Təbrizli