Tramp HƏMAS-ı girovları dərhal azad etməyə çağırıb

ABŞ Prezidenti Donald Trump HƏMAS-ı 20 israilli girovu dərhal azad etməyə çağırıb və bu tələbə əməl edilmədiyi təqdirdə “vəziyyət qısa zamanda dəyişəcək” mesajını verib.

Trump “Truth Social” platformasında yazıb: “HƏMAS-a deyin ki, 20 girovun hamısını (2 yox, 5 yox, 7 yox!) dərhal geri qaytarsın və vəziyyət qısa zamanda dəyişəcək. Bu bitəcək!”

Bu çağırış martın 18-dən başlayaraq İsrailin Qəzza zolağında genişmiqyaslı hərbi əməliyyatlara başlamasına təsadüf edir. İsrail ordusu atəşkəsi pozaraq anklava kütləvi zərbələr endirib. Netanyahu ofisindəki mənbələr bu hərəkəti HƏMAS-ın vasitəçilər və ABŞ-ın xüsusi elçisi Stiven Witkoff tərəfindən irəli sürülən razılaşma təklifindən imtina etməsinə bağlayıb. İsrail əməliyyatların məqsədinin bütün girovları azad etmək olduğunu bildirib. HƏMAS isə İsrail və ABŞ-ı hərbi əməliyyatların yenidən başlamasında məsuliyyət daşımaqda günahlandırıb.