ABŞ Konqresi Si və Putinin “ölümsüzlük və orqan köçürülməsi” ilə bağlı dialoquna sərt reaksiya verib

ABŞ Nümayəndələr Palatasının spikeri Mayk Conson Rusiya prezidenti Vladimir Putin və Çin sədri Si Cinpinin “orqan köçürülməsi və ölümsüzlük” barədə söhbətinə kəskin münasibət bildirib.

Si qeyd edib ki, əvvəllər insanlar çox vaxt 70 yaşına qədər yaşamırdılar, Putin isə cavabında biotexnologiyaların inkişafı ilə insan orqanlarının təkrar köçürülməsinin ömrü uzada biləcəyini və “ölümsüzlüyə” yol aça biləcəyini deyib.

Conson açıqlamasında Çində məcburi donorlarla bağlı iddiaları yada salaraq bildirib ki, bu cür açıqlamaların efirə düşməsi onların dünyagörüşünü açıq göstərir.

O əlavə edib ki, ABŞ etikaya sadiq qalacaq və qanunsuz orqan ticarətinə qarşı yeni qanunvericilik təşəbbüsünü prioritetləşdirəcək.

N.Təbrizli