Tramp bu axşam bəyanat verəcək, mövzu açıqlanmayıb

ABŞ Prezidenti Donald Tramp bu gün bəyanatla çıxış edəcək. Açıqlamanın mövzusu barədə məlumat verilməyib. Bu barədə “Roll Call” portalı məlumat yayıb.

Bir gün öncə Tramp yaxın vaxtlarda Rusiya Prezidenti Vladimir Putinlə telefon danışığı planlaşdırdığını bildirmişdi.

ABŞ Prezidentinin xüsusi elçisi Stiv Vitkoff isə sentyabrın 4-də keçirilən “İstəklilər koalisiyası”nın toplantısında Trampın həm Putin, həm də Ukrayna Prezidenti Vladimir Zelenski ilə üçtərəfli görüş keçirməyə hazır olduğunu bəyan edib.

Tramp, həmçinin sentyabrın 4-də verdiyi açıqlamada Rusiya Prezidenti Vladimir Putin, Çin Prezidenti Si Cinpin və Şimali Koreya lideri Kim Çen In ilə yaxşı münasibətlərə malik olduğunu qeyd edib.

Gülnar