Fransa sentyabrın 22-də Fələstin dövlətini tanıyacaq

Fransa sentyabrın 22-də Fələstini rəsmi olaraq dövlət kimi tanıyacaq.Bunu Fransa prezidenti Emmanuel Makron Fələstin prezidenti Mahmud Abbasla telefon danışığı zamanı deyib.

Makron daha əvvəl Fələstin dövlətini iyulun 24-də tanıyacaqlarını açıqlamışdı.

“Mən Fələstin Administrasiyasına tələblərimizi təkrarladım. Bununla əlaqədar prezident Abbas Fələstin Muxtariyyətinin yenilənməsi və gələcək Fələstin Dövlətinin sabitliyini təmin etmək üçün lazımi islahatları həyata keçirmək əzmində olduğunu bir daha bəyan etdi”, – Makron deyib.

Makron regionun təhlükəsizliyi və sabitliyi üçün üzərinə götürdüyü öhdəliklərin yerinə yetirilməsini təmin edəcəklərini bəyan edib.