Misirdə Qətər diplomatlarını daşıyan avtomobil qəzaya düşüb

Qəzza münaqişəsi ilə bağlı danışıqlar aparan Qətər nümayəndə heyətinin tərkibində olan ən azı üç diplomat Şarm əl-Şeyx yaxınlığında baş verən yol qəzasında həlak olub.Bu barədə "Al Arabiya" televiziyası məlumat yayıb.

Qeyd olunub ki, Qətər nümayəndə heyətinin maşını Şarm əl-Şeyx Konqres Mərkəzinin yaxınlığında qəzaya düşüb. Hadisə nəticəsində 3 diplomat həlak olub, daha ikisi yaralanıb.

Oktyabrın 13-də Şarm əl-Şeyxdə "Sülh Sammiti" keçiriləcək və sammitə 20 ölkənin lideri dəvət olunub.