AP Rusiyadan neft və qazın idxalına tam qadağanı dəstəkləyib

Avropa Parlamenti (AP) Rusiyadan neft, qaz və neft məhsullarının idxalına mərhələli şəkildə tam qadağa qoyulması layihəsini dəstəkləyib.Bu barədə "RİA Novosti" məlumat yayıb.

Layihəyə görə, Rusiya qazının tədarükü üzrə yeni müqavilələrin imzalanması 2026-cı ildən qadağan ediləcək, mövcud qısamüddətli müqavilələrə 2026-cı ilin iyun ayının ortalarına qədər, uzunmüddətli müqavilələrə isə müvafiq olaraq 2027-ci ilədək riayət olunacaq. Sənəddə gələn ildən etibarən Avropa İttifaqı ölkələrinə Rusiyadan neft idxalının dayandırılması da nəzərdə tutulur.

Bildirilir ki, sənəd AP, Avropa İttifaqı Şurası və Avropa Komissiyası arasında üçtərəfli danışıqlar çərçivəsində vahid mövqenin razılaşdırılması üçün təqdim ediləcək. Daha sonra AP-nin plenar sessiyasında rəsmi səsvermə keçiriləcək və sənəd Aİ Şurası tərəfindən təsdiq ediləcək.