Almaniya Gürcüstandakı səfirini geri çağırıb

Almaniya Gürcüstandakı səfiri Peter Fişeri məsləhətləşmələr üçün geri çağırıb.Bu barədə Almaniyanın Xarici İşlər Nazirliyinin (XİN) “X” hesabında bildirilib.

“Bir neçə aydır ki, Gürcüstan hakimiyyəti Avropa İttifaqı, Almaniya, həmçinin şəxsən Almaniya səfiri Fişerə qarşı təbliğat aparır. Bununla əlaqədar olaraq xarici işlər naziri Yohann Vadeful gələcək addımları müəyyənləşdirmək üçün səfir Fişeri geri çağırmağa qərar verib. Sabah Avropa İttifaqının xarici işlər üzrə Şurası Gürcüstan məsələsini müzakirə edəcək”, - XİN-in paylaşımında deyilir.