Rusiyada bütün il boyu hərbi xidmətə çağırış olacaq

Rusiya Dövlət Dumasının deputatları plenar iclasda bütöv təqvim ili ərzində hərbi xidmətə çağırışı nəzərdə tutan qanun layihəsini üçüncü və sonuncu oxunuşda qəbul ediblər.Bu barədə TASS məlumat yayıb.

Qanuna əsasən, tibbi müayinələrin, peşəkar psixoloji müayinənin və çağırış komissiyası iclaslarının təqvim ili ərzində keçiriləcəyi nəzərdə tutulur.

Bununla belə, sənəddə çağırışçıların faktiki olaraq ildə iki dəfə - aprelin 1-dən iyulun 15-dək və 1 oktyabrdan 31 dekabra qədər hərbi xidmətə göndəriləcəyi qeyd edilir.