Angela Merkel də olimpiadaya qatılmayacaq

Rusiyanın Soçi şəhərində keçiriləcək Qış Olimpiya Oyunlarına Almaniya Kansleri Angela Merkel də qatılmayacaq. Bu barədə Trend Türkiyə KİV-ə istinadən məlumat verir.

Daha əvvəl Almaniya Prezidenti Yoahim Qaukun da olimpiadaya qatılmayacağı açıqlanmışdı.

Gələn ilin 7-23 fevral tarixlərində keçiriləcək dünya yarışmasında Almaniyanı daxili işlər naziri Tomas de Matsire təmsil edəcək.

Prezident və Kanslerin Rusiyaya getməməsinə səbəb kimi RF-dəki insan haqları vəziyyəti və eyni cinsli nikahlarla bağlı qadağalar göstərilir.

Qeyd edək ki, bundan öncə Fransa Prezidenti Fransua Ollandın da Soçiyə getməyəcəyi açıqlanmışdı.

Trend