HAMAS daha bir girovun cəsədini BQXK əməkdaşlarına təhvil verəcək

Fələstinin "HƏMAS" hərəkatı Qəzza zolağında israilli girovun cəsədini Beynəlxalq Qırmızı Xaç Komitəsinə (BQXK) təhvil verəcək.Bu barədə müvafiq bəyanat hərəkatın hərbi qanadı olan "İzzəddin əl-Qəssam Briqadaları"nın "Telegram" kanalında yayımlanıb.

"İsrailli girovların fələstinli məhbuslarla mübadiləsi müqaviləsi çərçivəsində bu gün Əl-Şucaiyyə rayonunda aşkar edilən girovların qalıqlarını [tibb] işçilərinə təhvil vermək qərarına gəldik", - deyə bildirilib.

Qırmızı Xaç Komitəsi Qəzzadakı cəsədi "yerli vaxtla təxminən saat 21:00" təhvil alacaq.