Polşa və Qazaxıstan bu il qızılın ən iri alıcıları olub – WGC

Polşa və Qazaxıstan 2025-ci ildə qızıl ehtiyatlarını ən çox artıran ölkələr olub. BestBrokers-in Ümumdünya Qızıl Şurasına (WGC) istinadən verdiyi məlumata görə, Polşa 67,1 ton, Qazaxıstan isə 32,4 ton qızıl alıb.

Çin 22,7 tonla üçüncü yeri tutub. İlk onluqda Türkiyə, Çexiya, Kamboca, Qana, Qətər, Hindistan və Serbiya yer alıb.

Analitiklər qızılın yüksək inflyasiya, bazar və geosiyasi risklər fonunda “təhlükəsiz liman” kimi daha çox tələb gördüyünü bildirirlər.

Bir sıra ölkələr isə ehtiyatlarını azaldıb. Ən böyük satışlar Özbəkistan (–16,8 ton), Sinqapur (–15,8 ton), İndoneziya (–12,9 ton), Rusiya (–6,2 ton) və Almaniya (–1,3 ton) üzrə qeydə alınıb. WGC-yə görə, Rusiya 17 il ardıcıl artırdıqdan sonra ilk dəfə 2025-ci ildə ehtiyatlarını azaldıb.

Hazırda ən böyük qızıl ehtiyatlarına malik ölkələr ABŞ (8 133 ton), Almaniya (3 350 ton), İtaliya (2 451 ton), Fransa (2 437 ton) və Rusiya (2 329 ton) olaraq qalır.

N.Təbrizli