NATO baş katibinin müavini Ukraynada səfərdədir

NATO Baş katibinin müavini Radmila Şekeriniskaya bu gün Ukraynaya rəsmi səfər edib. Bu barədə Ukraynanın Baş naziri Yuliya Sviridenko “Telegram” kanalında məlumat yayıb.

Sviridenko bildirib ki, görüş zamanı PURL proqramının Ukraynanın silah ehtiyaclarının təminində effektiv mexanizm olduğu bir daha təsdiqlənib. Onun sözlərinə görə, proqram fəaliyyətə başladığından bəri Ukraynaya ayırdığı maliyyə dəstəyi 3 milyard ABŞ dollarını ötüb.

Rəsmilər həmçinin Ukraynanın enerji təhlükəsizliyi və strateji infrastrukturun qorunması məsələlərini müzakirə ediblər.