Qırğızıstanda növbədənkənar parlament seçkiləri keçirilir

Qırğızıstanda növbədənkənar parlament seçkiləri keçirilir.

Seçki məntəqələri yerli vaxtla səhər saat 8:00-da açılıb.Ölkədə səkkizinci çağırışa 90 deputat seçiləcək. Səsvermə majoritar sistemdən istifadə etməklə aparılır: hər birində üç deputat seçilən 30 seçki dairəsi yaradılıb.Parlament yerləri uğrunda ümumilikdə 460 namizəd mübarizə aparır.

Səsvermə saat 20:00-a qədər davam edəcək. İlkin nəticələrin səsvermə məntəqələri bağlandıqdan dərhal sonra açıqlanması gözlənilir və yekun nəticələrin 14 dekabr tarixinə qədər hesablanıb rəsmi olaraq elan edilməsi planlaşdırılır.