Güclü yağışlara görə üç ölkədə ölənlərin sayı 600 nəfəri keçib

Cənub-Şərqi Asiyanın üç ölkəsində tropik qasırğanın gətirdiyi güclü yağışlar nəticəsində baş verən daşqın və torpaq sürüşmələri ölənlərin sayını 600-dən çox artırıb.

İndoneziya, Malayziya və Tailand Malakka boğazına doğru hərəkət edən nadir tropik fırtınanın təsirindən geniş dağıntılarla üzləşib.

İndoneziyada həlak olanların sayı 435-ə, Tailandda 170-ə, Malayziyada isə 3-ə çatıb.

Xilasedicilər bazar günü suyun səviyyəsi azalmasına baxmayaraq, hələ də bir çox su altında qalan ərazilərə giriş üçün mübarizə aparırdı. Üç ölkədə on minlərlə insan təxliyə edilib.

Rəsmilər bildiriblər ki, fəlakət ümumilikdə 4 milyondan çox insana təsir göstərib: onların təxminən 3 milyonu Tailandın cənubunda, 1,1 milyonu isə İndoneziyanın qərbindədir.

Bu hadisələrdən ayrı olaraq, Benqal körfəzində baş verən siklon Şri-Lankada ən azı 153 nəfərin ölümünə səbəb olub. Rəsmilər 191 nəfərin itkin düşdüyünü və yarım milyondan çox insanın zərər çəkdiyini bildiriblər.

Aytac