Qışda dünyada hava necə dəyişəcək?

2025-ci ilin avqust–oktyabr aylarında qlobal okean səthi temperaturu normadan yuxarı qalsa da, Ekvatorial Sakit okeanda istilik anomaliyaları zəifləyərək zəif La Nina(tropik Sakit okeanında temperaturun normaldan aşağı düşməsi nəticəsində yaranan iqlim hadisəsi) şəraitinə doğru irəliləyib. Bu barədə məlumatı Beynəlxalq Okean Komissiyası (BOK) paylaşıb. 

Şimali Sakit okean ən isti bölgə olaraq qalır. BOK bildirir ki, temperatur sapmaları 2025/26-cı ilin qışında daha da azalacaq və atmosfer dövriyyəsində La Nina üçün xarakterik proseslər güclənəcək.

Çoxmodelli proqnozlar Şimali Amerikanın cənubu və şimal-şərqi, Mərkəzi Amerika, Karib və Arktikada qış temperaturunun normadan yuxarı olma ehtimalının artdığını göstərir.

Yeni Zelandiya və Cənubi Amerikanın cənubunda da oxşar istilik tendensiyası gözlənilir.

Eyni zamanda, Şimali Amerika, Mərkəzi Amerikanın cənubu, Karib, Şimali Avropa və Asiyanın 50° şimal enindən yuxarı bölgələrində yağıntıların artması proqnozlaşdırılır.

Bu proqnozlar son illərdə rekord səviyyədə müşahidə olunan okean istiləşməsi fonunda açıqlanır.

Gülnar