Rusiya ilə Gürcüstan arasında vizasız rejim bərpa oluna bilər

Rusiya Federasiyası ilə Gürcüstan arasındakı vizasız rejim yenidən bərpa edilə bilər. ANS PRESS-in Rusiya mətbuatına istinadən verdiyi xəbərə görə, bunu Vladimir Putin mətbuat konfransında deyib.Onun sözlərinə görə, ekspertlər səviyyəsində yenidən Gürcüstanla vizasız rejimə qayıtmaq məsələsi müzakirə edilə bilər və nəticədə bu, hər iki ölkənin münasibətlərinin normallaşmasına gətirib çıxarar.“Şəxsən mənim Gürcüstanın indiki rəhbərliyinə qarşı münasibətim dəyişib. Münasibətlərin tənzimlənməsi üçün artıq onlardan yeni siqnallar daxil olur. Gürcü xalqına da münasibətim yaxşı olub. Cənubi Osetiyada baş verən hərbi münaqişə zamanı da o fikir dəyişilməz qalıb. Düzdür, bizdən asılı olmayan səbəblərə görə, bəzi problemlər mövcuddur. Hərbi münaqişəni biz başlamadıq, indi özləri bunu etiraf edirlər”, - deyə Putin bildirib. ANN.Az