Zelenski Roma Papası ilə görüşüb - Yenilənib

Ukrayna Prezidenti Volodimir Zelenski ilə Roma Papası XIV Leo arasında görüş keçirilib. Bu barədə UNİAN xəbər verir .

Görüş pontifikin İtaliyanın Kastel-Qandolfo şəhərində yerləşən iqamətgahında baş tutub və təxminən 30 dəqiqə davam edib.

Tərəflər əsasən 2022–ci ildən davam edən Rusiya–Ukrayna müharibəsinin gedişatı, sülhə nail olmaq yolları və diplomatik təşəbbüslərin vəziyyəti üzərində danışıqlar aparıblar.

Papa Leo XIV, həmçinin hərbi əsirlərin azad edilməsi və savaş zamanı Rusiya tərəfindən deportasiya olunmuş ukraynalı uşaqların doğma ailələrinə qaytarılmasının təmin edilməsini bildirib.

***

Ukrayna Prezidenti Volodimir Zelenski bu gün Böyük Britaniyadan İtaliyanın paytaxtı Romaya gəlib.

V.Zelenskinin İtaliya rəsmiləri ilə yanaşı, Roma Papası XIV Leo ilə də görüşəcəyi bildirilir. O, Roma Papası ilə Ukraynanın mövcud durumunu müzakirə edəcək.

Bundan başqa Ukrayna Prezidentinin İtaliyanın Baş naziri Ciorcia Meloni ilə də görüşü nəzərdə tutulur.