Zelenskinin Berlində Uitkofla danışıqları sabah davam edəcək - Yenilənib

Ukrayna və Amerika nümayəndə heyətləri arasında Berlində sülh danışıqları 15 dekabrda davam edəcək.Bu barədə Almaniyanın "Handelsblatt" qəzeti məlumat yayıb.

21:35

Almaniya Kansleri Fridrix Merts Ukrayna lideri Volodimir Zelenski ilə ABŞ Prezidenti Donald Trampın xüsusi elçisi Stiv Uitkoff arasında keçirilən görüşü tərk edib.Bu barədə "Die Welt" qəzeti məlumat yayıb.

Mertsin köməkçisi Günter Sautter danışıqlarda iştirak edir. Kanslerin görüşdən çıxmasının səbəbi açıqlanmayıb.

***

Berlində Ukrayna Prezidenti Volodimir Zelenski ilə ABŞ Prezidenti Donald Trampın xüsusi nümayəndəsi Stiv Uitkoff və kürəkəni Cared Kuşner arasında görüş başlayıb.Bu barədə Zelenski “Telegram” kanalında məlumat verib.

Görüşdə Ukrayna Milli Təhlükəsizlik və Müdafiə Şurasının katibi Rüstəm Umerov və Almaniya kansleri Fridrix Merts də iştirak edirlər.