“Rusiya ilə razılaşma Ukraynanı müflis olmaqdan xilas etdi”

“Ukrayna prezidenti Viktor Yanukoviçin Moskvaya səfəri zamanı Rusiya Federasiyası ilə razılıq əldə edilməsəydi, ölkəni müflislik və sosial kollaps gözləyirdi”.

APA-nın RİA Novosti agentliyinə istinadən verdiyi məlumata görə, bunu Ukraynanın baş naziri Nikolay Azarov bəyan edib.

“Ukraynanı nə gözləyirdi? Cavab bəllidir: müflisləşmə və sosial kollaps. Ukrayna xalqını bu cür Yeni il hədiyyəsi gözləyirdi”, - deyə N. Azarov hökumətin iclasında bildirib.

Xatırladaq ki, dünən Moskva və Kiyev Rusiya qazının qiymətinin Ukrayna üçün aşağı salınması, həmçinin, Rusiya tərəfindən Ukraynanın 15 milyard ABŞ dolları həcmində avrobondlarının əldə edilməsi haqqında razılığa gəlib. 

APA