Səudiyyə Ərəbistanında edamların sayı ikinci ildir ardıcıl rekord səviyyəyə çatıb

Səudiyyə Ərəbistanında edamların sayı ardıcıl ikinci ildir rekord həddə yüksəlib. Britaniyanın insan haqları təşkilatı Reprieve-in məlumatına görə, ölkədə bu il azı 347 nəfər edam edilib.

Bu göstərici 2024-cü ildə qeydə alınan 345 edamdan çoxdur. Təşkilat bunu “monitorinqin başlanmasından bəri krallıqda ən qanlı il” kimi qiymətləndirib.

Son edamlar narkotiklə əlaqəli cinayətlərdə təqsirli bilinən iki Pakistan vətəndaşı ilə bağlı olub.

Bu il edam edilənlər arasında cinayətlərin törədildiyi vaxt uşaq olduğu iddia edilən bir jurnalist və iki gənc kişi, eləcə də beş qadın da var.

Reprieve bildirib ki, edam edilənlərin təxminən üçdə ikisi BMT tərəfindən “beynəlxalq norma və standartlara zidd” hesab olunan, itki ilə nəticələnməyən narkotik cinayətlərinə görə məhkum edilib. Edam edilənlərin yarıdan çoxu xarici vətəndaşlar olub.

Gülnar