Serbiya Prezidenti Aleksandr Vuçiç 2026-cı ildə növbədənkənar seçkiləri təsdiqləyib

Serbiya Prezidenti Aleksandr Vuçiç ölkədə növbədənkənar parlament seçkilərinin 2026-cı ildə keçiriləcəyini açıqlayıb.

Vuçiç bildirib ki, hakimiyyət etirazçılara şərait yaradır və seçkilərin “tezliklə, gələn il” keçiriləcəyini elan edib. Prezident həmçinin hakim koalisiyanın qələbəsinə əminliyini ifadə edərək, son seçkilərdə beş bələdiyyədə qazandığı nəticələri xatırladıb. Hazırkı parlamentin səlahiyyət müddəti 2027-ci ilin dekabrında başa çatmalıdır.

Dövlət başçısı etirazçıların Milli Assambleyanın yaxınlığındakı çadır düşərgəsinin 3-4 yanvar tarixlərinə qədər söküləcəyini və yerinə Yeni il şənlikləri üçün qurğuların quraşdırılacağını bildirib. Vuçiç həmçinin deyib ki, “rəngli inqilab” cəhdləri uğursuzluğa düçar olub.

Aytac