ABŞ Marinera tankerini ələ keçirmək əməliyyatı aparır

ABŞ sahil mühafizəsi Venesuelanın sahillərindən İslandiya və Böyük Britaniya yaxınlarına qədər hərəkət edən Marinera tankerini ələ keçirmək əməliyyatı aparır. Reuters agentliyinin məlumatına görə, əməliyyat zamanı tankerdə desantın enişi cəhdi müşahidə olunub, ehtimal olunur ki, bu, ABŞ hərbçiləri tərəfindən həyata keçirilir.

Əməliyyat zamanı yaxınlıqda Rusiya hərbi gəmiləri və sualtı qayıq olub, lakin onlar tankerin tutulmasının qarşısını almaq üçün aktiv hərəkət etməyiblər.

“Marinera” tankerinin əvvəlki adı Bella 1 olub və gəmi son 17 gündür Venesuela sahilləri boyunca izlənilməkdən yayınır. Bu müddət ərzində tanker böyük məsafə qət edib və hazırda Reuters-in əldə etdiyi məlumata görə, İslandiya və Böyük Britaniya sahillərinə yaxın ərazilərdədir.