Amsterdam hava limanında 700-dən çox uçuş ləğv edilib

Avropanın ən böyük hava limanlarından biri olan Amsterdam Schiphol hava limanı qar və güclü küləklə bağlı çətin hava şəraiti səbəbilə ən azı 700 uçuşun ləğv edildiyini açıqlayıb.Bu barədə xarici KİV xəbər verir.

Məlumata görə, gecə boyunca 1000-dən çox sərnişin hava limanında gecələməli olub. Onlar üçün düşərgə yataqları hazırlanıb və səhər yeməyi təmin edilib.

Qeyd edilib ki, hava şəraiti davam etdiyi üçün gün ərzində ləğv olunan reyslərin sayının daha da artacağı gözlənilir.