İran parlamentinin sədri ABŞ və İsrailə xəbərdarlıq edib

İran parlamentinin sədri Məhəmməd Bağir Qalibaf ölkədə geniş yayılmış etirazlar və beynəlxalq narahatlıq fonunda ABŞ və İsrailə xəbərdarlıq edib, ABŞ-ın hərbi müdaxiləsi halında Tehran tərəfinin “qanuni hədəflər”lərini vuracağını bildirib. 

Qalibaf bazar günü parlamentdə çıxışı zamanı deyib ki, əgər Vaşinqton İran ərazisinə və ya suverenliyinə hər hansı hərbi zərbə endirərsə, İsrail, ABŞ hərbi bazaları və regiondakı Amerika gəmiləri Tehran üçün “qanuni hədəf” sayılacaq. O, İranın qanuni müdafiə çərçivəsində təkcə cavab zərbələri ilə kifayətlənməyəcəyini, lazım gəlsə qabaqlayıcı tədbirlər də görə biləcəyini vurğulayıb. 

Qalibaf həmçinin ABŞ prezidenti Donald Trampı və regional müttəfiqlərini “ölümcül səhv hesablamalar”la üzləşməkdə ittiham edərək, Vaşinqtonu reallıqdan kənar addımlar atmaqda günahlandırıb.