Ermənistanda benzin və dizelin qiyməti ucuzlaşıb

Ermənistanın iqtisadiyyat naziri Gevorq Papoyan ölkədə benzinin qiymətinin ucuzlaşdığını bildirib.Nazir bu barədə "Facebook" səhifəsində məlumat yerləşdirib.

Onun sözlərinə görə, benzinin qiymətində azalma təxminən 15 % təşkil edib.

"Benzinin qiyməti: dekabr ayının əvvəlində - 510 dram/l (təxminən 2 manat 30 qəpik - red.), indi - 430 dram/l (təxminən 1 manat 93 qəpik - red.). Fərq - 80 dram/l və ya −15,7 %.

Dizelin qiyməti: dekabr ayının əvvəlində - 480 dram/l, indi - 410 dram/l, fərq - 70 dram/l və ya −14,6 %", - Papoyan yazıb.

O qeyd edib ki, Azərbaycanın neft məhsullarını alan böyük yanacaqdoldurma stansiyası şəbəkələrindən biri yaxın günlərdə yanacağı daha ucuz qiymətlərlə satışa çıxaracaq.