Yeni sanksiyalar İran-ABŞ müzakirələrini dayandırdı

 ABŞ-ın bəzi İran şirkətlərini və vətəndaşlarını "sanksiya" siyahısına salmasından sonra İran diplomatları danışıqları dayandırmağa məcbur olub.

ANS PRESS-in Türkiyə mətbuatına istinadən verdiyi məlumata görə, amerikalı tərəfdaşları ilə müzakirələr aparan İranlı diplomatlar müzakirələri Tehranın göstərişi əsasında dayandırıb. Onlar yeni sanksiyaların Cenevrədə imzalanan müqaviləyə zidd olduğunu bildirirlər. 

Qeyd edək ki, rəsmi Tehran Cenevrə müqaviləsinin imzalanmasından sonra bəyan etmişdi ki, əgər İrana qarşı yeni sanksiyalar qəbul olunarsa, bu müqavilə dərhal öz qüvvəsini itirəcək.

ANS PRESS