ABŞ-nin 14 ştatında fövqəladə vəziyyət elan edilib

ABŞ-nin 14 ştatında fövqəladə vəziyyət elan edilib.Bu barədə “ABC News” məlumat yayıb.

Bildirilib ki, fırtınaya görə Alabama, Arkanzas, Corciya, Kanzas, Kentukki, Luiziana, Missisipi, Missuri, Nyu-York, Şimali Karolina, Cənubi Karolina, Tennessi, Texas və Virciniyada fövqəladə vəziyyət elan olunub.

“FlightAware” məlumatlarına görə, gözlənilən qar fırtınası səbəbindən ABŞ-nin cənub-şərqində 800-dən çox reys təxirə salınıb.

Xüsusilə, hava nəqliyyatı sistemindəki fasilələr Dallas, Atlanta və Oklahoma Siti hava limanlarına təsir edib.

Bu gün Hyuston, Oklahoma Siti və bir sıra digər şəhərlərdə məktəblər bağlanıb.