Əbu-Dabidə Ukrayna, Rusiya və ABŞ nümayəndələrinin üçtərəfli danışıqları başlayıb

Birləşmiş Ərəb Əmirliklərinin paytaxtı Əbu-Dabidə Ukrayna, Rusiya və ABŞ nümayəndə heyətlərinin iştirakı ilə üçtərəfli danışıqlar başlayıb. Bu barədə Birləşmiş Ərəb Əmirliklərinin Xarici İşlər Nazirliyi məlumat verib.

XİN-in açıqlamasına görə, danışıqlar bu gün start götürüb və iki gün davam edəcək. Nazir Abdulla bin Zaid Al Nahyan bildirib ki, üçtərəfli dialoq Rusiya–Ukrayna münaqişəsinin həlli istiqamətində nəzərəçarpan irəliləyişə yol aça bilər.

Ukrayna, Rusiya və ABŞ nümayəndə heyətləri münaqişənin başlanmasından bəri ilk dəfə üçtərəfli formatda bir araya gəlir. Danışıqların məqsədi böhranın siyasi-diplomatik yolla həlli imkanlarını müzakirə etməkdir.