Universitetdən qovulanlar Polşada oxuyacaq

Kiyevdəki Avropa meydanında keçirilən etiraz aksiyalarında iştirak etdiklərinə görə ali məktəblərdən qovulan tələbələr təhsillərini davam etdirmələri üçün Polşaya dəvət olunurlar. Modern.az saytı Ukrayna KİV-nə istinadən bildirir ki, Polşanın elm naziri Lena Kolarska-Bobinska hətta ali məktəblərdən qovulan tələbələrə təqaüd veriləcəyini də bəyan edib: “Ukraynadakı tələbələrə ciddi dəstək vermək istəyirik. Bu təqaüdləri hökumət təşkil edir ki, tələbələr təhsil ə yanaşı, həm də maliyyə yardımı alsınlar”.

Polşanın konkret hansı ali məktəblərinin ukraynalı tələbələri qəbul etməyə hazır olduğuna gəldikdə, hələ ki bu dəqiqləşdirilməyib. Amma təhsil naziri deyib ki, 50 tələbəni qəbul etməyə hazırdırlar.

Modern.az