ABŞ Hindistana tətbiq etdiyi rüsumları 18 %-ə endirəcək

ABŞ Hindistana tətbiq etdiyi idxal rüsumlarını 25 %-dən 18 %-ə endirəcək.Bu barədə ABŞ lideri Donald Tramp Hindistan Baş naziri Narendra Modi ilə telefon danışığının yekunlarına əsasən "Truth Social" sosial şəbəkəsində yazıb.

"Bu səhər Hindistanın Baş naziri Modi ilə danışmaq mənim üçün şərəf olub. O, mənim ən dəyərli dostlarımdan biridir. Baş nazir Modiyə olan hörmətimdən, onun xahişi ilə ABŞ və Hindistan arasında ticarət sazişi barədə razılığa gəldik, buna əsasən Birləşmiş Ştatlar azaldılmış tarif tətbiq edərək, onu 25 %-dən 18 %-ə endirəcək. Hindistan isə ABŞ-yə qarşı tariflərini və digər maneələrini 0 %-ə endirəcək", - Tramp bildirib.

Onun sözlərinə görə, Hindistan ABŞ-nin mallarının idxalını əhəmiyyətli dərəcədə artırmağı öhdəsinə götürüb.