Fevralın 6-da keçirilməsi planlaşdırılan ABŞ-İran danışıqları ləğv edilib - Yenilənib

ABŞ və İran arasında fevralın 6-na Omanda keçirilməsi planlaşdırılan nüvə danışıqları ləğv edilib.Bu barədə “Axios” portalı ABŞ rəsmilərinə istinadla xəbər verib.

Portalın məlumatına görə, Tehran danışıqların yalnız nüvə proqramı ətrafında fokuslanmasını tələb edib və nüvə məsələsindən kənar mövzuların müzakirəsindən imtina edib. ABŞ isə İranın bu tələbinə razılaşmayıb.

“Biz onlara dedik ki, ya bu variantdır, ya da heç nə olmayacaq. Onlar isə: ‘Yaxşı, onda heç nə’, — cavab verdilər,” — yüksək səviyyəli amerikalı rəsmi qeyd edib.

Rəsmi Vaşinqton bildirib ki, əgər İran ilkin formatı qəbul edərsə, görüş bu və ya gələn həftə yenidən təşkil oluna bilər. 

***

İran və ABŞ fevralın 6-da Omanda xarici işlər naziri Abbas Əraqçi və ABŞ Prezidentinin xüsusi elçisi Stiv Uitkoffun iştirakı ilə gələcək nüvə razılaşması barədə danışıqlar aparacaq.Bu barədə ISNA agentliyi məlumat yayıb.

"Danışıqların formatı əvvəlki kimi qalacaq.Tərəflər Oman tərəfinin vasitəçiliyi ilə dolayı danışıqlar aparacaqlar. Görüşə ABŞ Prezidentinin kürəkəni Cared Kuşner də qoşula bilər,"- məlumatda bildirilib.