Uitkoff Əbu-Dabidəki Rusiya-Ukrayna danışıqlarına münasibət bildirib

Əbu-Dabidə keçirilən Rusiya, Ukrayna və ABŞ nümayəndə heyətləri arasında danışıqlar konstruktiv olub və əsas diqqət davamlı sülh üçün şəraitin yaradılmasına yönəlib.Bunu ABŞ prezidentinin xüsusi elçisi Stiven Uitkoff bildirib.

Uitkoff “X” sosial media platformasında yazıb ki, iki gün ərzində nümayəndə heyətləri atəşkəsin təmin edilməsi üsulları və hərbi əməliyyatların dayandırılmasının monitorinqi də daxil olmaqla qalan açıq məsələlər ətrafında müzakirələr aparıblar.

O qeyd edib ki, tərəflər paytaxtlarına qayıtmaq və üçtərəfli danışıqları yaxın həftələrdə davam etdirmək barədə razılığa gəliblər.