Almaniyada nəqliyyat işçiləri ikigünlük tətil keçirəcək

Almaniyanın ictimai nəqliyyat işçiləri fevralın 27–28-də ölkə səviyyəsində gözlənilən tətilə başlayacaq.Bu barədə "Spiegel" nəşri məlumat yayıb.

Ver.di həmkarlar ittifaqının çağırışı ilə keçiriləcək bu işçi hərəkatı əməkhaqqı və əmək şəraitinin yaxşılaşdırılması üçün aparılan danışıqların dayandığı bir vaxtda planlaşdırılıb. 

Paytaxtlar və federal əyalətlərdə avtobus, tramvay və yerli qatar xidmətlərinin çoxunda xidmətlər ya dayanacaq, ya da məhdudlaşdırılacaq. Tətillərin əksər regionlarda iki gün davam edəcəyi gözlənilir. 

Lakin “Deutsche Bahn”ın idarə etdiyi S-Bahn, regional və uzun məsafəli qatarlar kimi bəzi xidmətlərin adi qaydada fəaliyyət göstərəcəyi bildirilir.