"Taliban" Pakistandakı nüvə mərkəzini vurub

Əfqanıstan qüvvələri Pakistandakı nüvə obyektinə hücum edib. 

Bu  barədə "Ariana News" məlumat yayıb. 

"Xeybər Paxtunxva əyalətinin Kokal rayonundakı hərbi mərkəzə və başqa bir nüvə mərkəzinə endirilən zərbələrdən sonra yüzlərlə ölü və yaralı İslamabaddakı PIMS Xəstəxanasına aparılıb", - deyə açıqlamada bildirilir.

Telekanalın məlumatına görə, Pakistan öz növbəsində Əfqanıstanın Paktika əyalətinin Barmal rayonuna hava hücumu həyata keçirib. Üç mülki şəxs həyati təhlükə yaradan xəsarətlər alıb.

Fevralın 27-də Pakistanın müdafiə naziri Xavaca Asif Əfqanıstanda "Taliban" hökumətinə qarşı açıq müharibə elan edib. Hər iki tərəf onlarla itki və mövqelərin ələ keçirildiyini bildirib və eskalasiya getdikcə genişlənir.