Parlamentdə dava - VİDEO

Ukraynada davam edən gərginlik Gürcüstanda da özünü göstərib.Anspress xəbər verir ki, Gürcüstan Parlamentində Ukrayna müxalifətinin dəstəklənməsi planı ilə bağlı müzakirələr zamanı dava düşüb. Müxalifət partiyası olan Milli Hərəkat Partiyasının üzvü Giorgi Baramidze qanunvericiləri Kiyevdə kütləvi aksiyalar keçirən Ukrayna müxalifətinə dəstək vermək üçün qətnamə qəbul etməyə çağırıb. Hakim “Gürcü arzusu” Partiyasının üzvü Soso Jaçviani isə buna qəzəblənərək kürsüsündən ayağa qalxıb və Baramidzinin ayaqlarına təpik vurmağa başlayıb. Bundan sonra digər millət vəkilləri də davaya qoşulub. Soso Jaçviani bildirib ki, Gürcüstan müxalifətinin başqa ölkələrdəki qanun pozuntuları haqqında danışmağa heç bir hüququ yoxdur. Qeyd edək ki, Giorgi Baramidze Mixail Saakaşvilinin hakimiyyəti dövründə daxili işlər naziri vəzifəsində çalışıb.ANN.Az