Ərdoğan NATO baş katibi ilə İran ətrafındakı vəziyyəti müzakirə edib

Türkiyə Prezidenti Rəcəb Tayyib Ərdoğan NATO-nun baş katibi Mark Rütte ilə İran ətrafındakı münaqişə kontekstində regiondakı vəziyyəti müzakirə edib.Bu barədə Türkiyə liderinin ofisi məlumat yayıb.

Məlumata görə, NATO gündəliyində duran məsələlər, eləcə də regional və qlobal hadisələr ətrafında fikir mübadiləsi aparılıb. Prezident Türkiyənin bölgədəki münaqişənin inkişafını yaxından izlədiyini və davamlı sülhə nail olmaq üçün diplomatiyaya şans verilməsinin vacibliyini vurğulayıb.

Ərdoğan həmçinin bildirib ki, Ankarada keçiriləcək NATO sammitinə hazırlıqlar davam edir və Türkiyə bu sammitə ləyaqətlə ev sahibliyi edəcək.

Mark Rütte öz növbəsində NATO-nun vəziyyəti hərtərəfli qiymətləndirərək müttəfiqlərinin təhlükəsizliyinə töhfə verməyə davam edəcəyini qeyd edib.