İran ABŞ-nin atəşkəs təklifi ilə razılaşmayıb və yekun sülh tələb edib

İran ABŞ-nin atəşkəs təklifini rədd edib və müharibənin yalnız ölkənin maraqları nəzərə alınmaqla tam və davamlı şəkildə başa çatdırılmasının vacibliyini vurğulayıb.Bu barədə IRNA xəbər verir.

Tehranın cavabı ABŞ-İran münaqişəsinin nizamlanması üçün vasitəçi rolunu oynayan Pakistan vasitəsilə təqdim olunub.

Məlumata əsasən, iki həftəlik yüksək səviyyəli müzakirələrdən sonra İran 10 maddədən ibarət təklif paketi irəli sürüb.

Təklifdə regionda hərbi əməliyyatların dayandırılması, Hörmüz boğazında təhlükəsiz naviqasiyanı təmin edəcək mexanizmlərin hazırlanması, infrastrukturun bərpası və sanksiyaların ləğvi kimi şərtlər yer alıb.

Tehran müvəqqəti atəşkəsə deyil, uzunmüddətli və dayanıqlı həllə üstünlük verdiyini bəyan edib.