ABŞ İran bayraqlı tankerləri ələ keçirib

ABŞ ordusu Asiya sularında İran bayrağı altında üzən ən azı üç neft tankerini ələ keçirib və onları Hindistan, Malayziya və Şri-Lanka yaxınlığındakı mövqelərdən uzaqlaşdırıb. Bu barədə Reuters agentliyi məlumat yayıb.

Məlumata görə, ələ keçirilən gəmilər arasında qismən xam neftlə yüklənmiş “Deep Sea” supertankeri, təxminən 65% dolu olan “Sevin” tankeri və 2 milyon barelə yaxın xam neft daşıyan “Dorena” supertankeri var. Gəmilərin son müşahidə nöqtələri Malayziya və Hindistan sahilləri yaxınlığı olub.

Hadisə Hörmüz boğazı ətrafında artan gərginlik fonunda baş verir. Vaşinqtonun İranın dəniz ticarətinə məhdudiyyətləri sərtləşdirdiyi, Tehranın isə boğazdan keçən gəmilərə qarşı tədbirlər gördüyü bildirilir.

ABŞ və İsrailin İrana qarşı hərbi əməliyyatlara başlamasından təxminən iki ay sonra tərəflər arasında atəşkəs qeyri-sabit olaraq qalır və sülh danışıqlarının bərpasına dair əlamətlər məhduddur. İran da son günlərdə Fars körfəzindən çıxmağa çalışan iki konteyner gəmisini ələ keçirdiyini açıqlayıb.

ABŞ ordusu hadisələrlə bağlı şərh verməyib.

Gülnar Nazimqızı