Tramp Ağ Evdə Livan və İsrail arasında keçiriləcək danışıqlarda şəxsən iştirak edəcək

ABŞ Prezidenti Donald Tramp Livan və İsrailin ABŞ-dakı səfirlərinin Ağ Evdə keçiriləcək növbəti görüşündə iştirak edəcək.Bu barədə jurnalist Nadya Bilbassi-Çarters sosial şəbəkədə mənbələrə istinadən məlumat yayıb.

Məlumata görə, Livan tərəfi atəşkəsin uzadılmasına çalışır və İsraili jurnalistlərin, xilasedicilərin və dini obyektlərin qorunmasını təmin etməyə çağırır. İsrail isə Livanda iki ölkə nümayəndələri arasında əlaqələri cinayət hesab edən qanunun ləğvini tələb edir.

Aprelin 14-də Vaşinqtonda ABŞ-ın vasitəçiliyi ilə Livan və İsrail arasında ilkin danışıqlar keçirilib. Görüşdə atəşkəs razılaşmasının əldə olunmasına yönəlmiş sülh danışıqlarının başlanma tarixinin müəyyənləşdirilməsi müzakirə olunub.