Papa Trampın tənqidlərinə cavab verib

Katolik Kilsəsinin əsas missiyası Müjdəni və sülhü təbliğ etməkdir. Bunu Donald Tramp
tərəfindən səsləndirilən tənqidlərə cavab verən Pope Leo XIV bildirib.

“Katolik Kilsəsinin missiyası Müjdəni təbliğ etmək, sülhü təbliğ etməkdir. Əgər kimsə məni Müjdəni təbliğ etdiyim üçün tənqid etmək istəyirsə, qoy bunu dürüstcə etsin”, – Papa Vatican News-a müsahibəsində deyib.

Papa sözlərinin eşidiləcəyinə ümid etdiyini də əlavə edib.

Aprelin 12-də Papa XIV Leo ABŞ-ı İran ətrafında hərbi əməliyyatları dayandırmağa və münaqişənin sülh yolu ilə həllinə çalışmağa çağırmışdı.

O qeyd etmişdi ki, müharibələr “hər şeyə qadirlik illüziyasından” qaynaqlanır.

Buna cavab olaraq Tramp bildirmişdi ki, ABŞ-ın dəstəyi olmasaydı, Vatikan bugünkü vəziyyətdə olmazdı. O həmçinin İranın nüvə silahı əldə etməsini dəstəkləmədiyini vurğulamışdı.

Daha əvvəl isə Papa Trampla aralarındakı fikir ayrılığını “əhəmiyyətsiz” adlandırmışdı.

Gülnar Nazimqızı