Tramp 8 mayı Qələbə Günü elan edib

ABŞ Prezidenti Donald Tramp 8 may tarixini İkinci Dünya müharibəsində Avropada “tiranlıq və şər üzərində qələbə günü” kimi elan edib.Bu barədə Ağ Evin rəsmi saytında dərc olunan bəyanatda bildirilib. 

Sənəddə qeyd olunur ki, 1945-ci il 8 may tarixində Nasist Almaniyasının məğlubiyyəti ilə Avropada İkinci Dünya müharibəsi başa çatıb və bu hadisə dünya tarixində həlledici dönüş nöqtələrindən biri olub. 

Tramp bəyanatında nasizmə qarşı mübarizədə 250 mindən çox amerikalı hərbçinin həyatını itirdiyini vurğulayaraq onların fədakarlığını yüksək qiymətləndirib. 

O, həmçinin ABŞ-nin müharibədə qələbədə həlledici rol oynadığını bildirib və Amerikanın bu qələbəni yetərincə geniş şəkildə qeyd etməməsindən narazılığını ifadə edib.