Fransada hantavirusa ilk yoluxma halı qeydə alınıb

Fransanın səhiyyə naziri Stefani Rist “MV Hondius” kruiz gəmisindən təxliyə edilən Fransa vətəndaşında hantavirus infeksiyasının təsdiqləndiyini bildirib.Bu barədə o “France Inter” radiosuna açıqlamasında deyib.

Nazirin sözlərinə əsasən, pasiyent Fransaya qayıtdıqdan sonra xəstəlik əlamətləri göstərib və aparılan PCR testləri müsbət nəticə verib. O, hazırda yoluxucu xəstəliklər üzrə ixtisaslaşmış xəstəxanada müalicə olunur.

Rist həmçinin bildirib ki, “MV Hondius”dan qayıdan digər dörd Fransa vətəndaşı da ehtiyat tədbiri olaraq təcrid edilib və ixtisaslaşdırılmış palatalara yerləşdirilib. Onların ilkin test nəticələri mənfidir, lakin yaxın günlərdə təkrar analizlər aparılacaq.

Nazir əlavə edib ki, bu, Fransada hantavirusun ilk təsdiqlənmiş yoluxma halıdır.