Seçkilərdə qalib gələn Paşinyan sülh müqaviləsindən danışdı

Ermənistan  yaxın gələcəkdə Azərbaycanla sülh sazişi imzalamağı hədəfləyir. Bunu Ermənistanın Baş naziri Nikol Paşinyan bildirib. Bu barədə Paşinyan bazar ertəsi Ermənistan parlamentinin Dövlət və Hüquq Məsələləri Daimi Komitəsinin iclasında, Korrupsiyanın Qarşısının Alınması Komitəsinin 2025-ci il üzrə fəaliyyət hesabatının müzakirəsi zamanı danışıb.

“Biz bu istiqamətdə işləyəcəyik”, – baş nazir deyib.

Paşinyan həmçinin qeyd edib ki, TRIPP sazişinin ratifikasiya prosesinə yaxın vaxtlarda başlanmalıdır.

Onun sözlərinə görə, Ermənistanın irəli sürdüyü Sülh Yollarının Kəsişməsi təşəbbüsü ölkənin regional əlaqələrdə rolunu artırmaq potensialına malikdir.

“Ermənistan ‘Sülh Yollarının Kəsişməsi’nə çevrildiyi üçün bu, həqiqətən də oyunu dəyişdirən layihədir”, – Paşinyan bildirib.

Azərbaycan və Ermənistan martda sülh sazişinin mətninin razılaşdırıldığını açıqlasalar da, sənəd hələ imzalanmayıb. Tərəflər arasında münasibətlərin normallaşdırılması və nəqliyyat-kommunikasiya əlaqələrinin açılması ilə bağlı danışıqlar davam edir.

Güınar