İsrailin hücumları nəticəsində Livanda son sutkada 24 nəfər ölüb

İsrailin Livanın cənubuna endirdiyi hava zərbələri nəticəsində son 24 saat ərzində 24 nəfər həlak olub, 116 nəfər yaralanıb.Bu barədə Livanın Səhiyyə Nazirliyi "X" sosial şəbəkəsində məlumat yayıb.

Nazirliyin bəyanatında bildirilib ki, martın 2-də hərbi əməliyyatların intensivləşməsindən bəri ölənlərin sayı 3 637-yə, yaralananların sayı isə 11 188-ə yüksəlib.

Məlumata görə, zərbələr Nəbatiyyə, Sayda və Tir ətrafındakı ərazilərə endirilib. Nazirlik həmçinin bildirib ki, günün ikinci yarısında Tir yaxınlığında İsrailə məxsus pilotsuz uçuş aparatı Livan Qızıl Xaç Cəmiyyətinin təcili yardım avtomobilini hədəfə alıb. Hadisə nəticəsində dörd tibb işçisi yaralanıb.