ABŞ Amerika helikopterinə endirilən zərbəyə cavab verəcək - Tramp

ABŞ Prezidenti Donald Tramp İranı Hörmüz boğazı yaxınlığında Amerika hərbi helikopterinə endirilən zərbəyə cavab veriləcəyi ilə bağlı xəbərdarlıq edib.

Tramp bu barədə "Truth Social" platformasında paylaşım edib.

ABŞ prezidentinin sözlərinə görə, İran qüvvələri ötən gecə Hörmüz boğazı ərazisində patrul xidməti aparan ABŞ-yə məxsus "AH-64 Apache" hücum helikopterini vurub.

"Silahlı Qüvvələrimiz mənə indicə məlumat verdi ki, iranlılar ötən gecə Hörmüz boğazı ərazisində patrul xidməti aparan yüksək texnologiyalı 'Apache' helikopterlərimizdən birini vurublar. Göyərtədə olan iki pilot təhlükəsizdir və xəsarət almayıb. Bununla belə, ABŞ bu hücuma müvafiq reaksiya verməlidir", - Tramp yazıb.

Bundan əvvəl "The New York Times" qəzeti mənbələrə istinadən ABŞ-yə məxsus "AH-64 Apache" helikopterinin Hörmüz boğazı yaxınlığında qəzaya uğradığını bildirmişdi. Nəşr insidentin səbəbinin həmin vaxt açıqlanmadığını qeyd etmişdi.