Putin Hakan Fidanla görüşüb

Rusiya Prezidenti Vladimir Putin Rusiya–ASEAN sammiti çərçivəsində Türkiyənin xarici işlər naziri Hakan Fidanla görüşüb.Bu barədə "İnterfaks" agentliyi məlumat yayıb.

Görüş Tatarıstanın paytaxtı Kazanda yerləşən Q.Kamal adına Tatarıstan Dövlət Akademik Teatrında keçirilib. Həmin məkanda daha əvvəl sammit iştirakçısı olan nümayəndə heyətlərinin rəhbərlərinin rəsmi qarşılanma mərasimi təşkil olunmuşdu.

Putin görüş zamanı Rusiya ilə Türkiyə arasında münasibətlərin inkişaf etdiyini bildirib.

“Ölkələrimiz arasındakı münasibətlər yüksələn xətt üzrə inkişaf edir. Əlaqələrimiz artıq formal çərçivədən kənara çıxaraq dostluq xarakteri daşıyır”, – Rusiya prezidenti deyib.

Putin əlavə edib ki, münasibətlərin bu səviyyəyə çatmasında Türkiyə Prezidenti Rəcəb Tayyib Ərdoğanın rolu böyükdür. O, həmçinin Türkiyə liderinə salamlarını çatdırmağı xahiş edib.

Fidan isə Ərdoğanın salamlarını Putinə çatdıraraq beynəlxalq gündəlikdə çoxsaylı məsələlərin olduğunu vurğulayıb.

“Müzakirə etməli olduğumuz çoxlu məsələlər var”, – Türkiyənin xarici işlər naziri bildirib.