Aktrisa küçədə vəhşicəsinə döyülərək öldürüldü

Qırğızıstanın paytaxtı Bişkekdə Çingiz Aytmatov adına rus dram teatrının aktrisası Oksana Qoqol naməlum şəxslər tərəfindən vəhşicəsinə döyülüb. ANN.Az-ın "Vesti.ru"ya istinadən verdiyi xəbərə görə, hadisə 30 noyabrda Bişkekin mərkəzindəki parkda baş verib. 

"Qadın səhəri gün tapılıb və təcili xəstəxanaya çatdırılıb. Ancaq həkimlər onun həyatını xilas edə bilməyiblər, o, aldığı xəsarətlərdən vəfat edib", - bu barədə Qırğızıstanın rəsmi orqanları məlumat yayıb. Qadının bədənində çoxsaylı yara izləri aşkarlanıb. Hadisə barəsində cinayət işi açılıb, araşdırmalar aparılır.